Денсаулық сақтау министрі ауруханадағы балалардың жағдайын білді

Үржардан Астанаға санавиациямен жеткізілген екі бала әлі жансақтау бөлімінде жатыр. Бүгін Денсаулық сақтау министрі Ақмарал Әлназарова №2 көпбейінді балалар ауруханасына барды. 9 жастағы қыз бала мен 6 жастағы ұл баланың жағдайымен танысты. Сондай-ақ, олардың анасымен кездесіп, қолдау білдірді. Министр барлық қажетті медициналық көмектің көрсетіліп жатқанын, балалар оңалып кеткенше толық бақылауда болатынын айтты. Жантүршігерлік жол апаты 19-шы тамыз күні болған еді. Көлік 6 баланы қағып кетті. Үшеуі қаза тапты. Үшеуі ауруханаға жеткізілді. Екеуі Астанада, біреуі Үржар ауданында ем қабылдап жатыр.

Ернұр Медет