Еуропада 38 мың гектар орман өртенді

Еуропаның оңтүстігіндегі елдерде жиырма жылдағы ең алапат орман өрті дес бермей жатыр. Португалияда лапылдаған жалынды сөндіру мүмкін емес. Ал Испанияда бірнеше өрт ошағы тіркелген. Тілсіз жау елдің Галисия, Эстремадура және Кастилия-Леон өңірлерін шарпыды. Дүйсенбіден бері 38 мың гектардан астам алқап өртенген. Осыған байланысты темір жол қатынасы тоқтап, автокөлік жолдарында да шектеу қойылды. Өрттің күшеюіне аптап ыстық себеп. Ауа райы болжамдарына қарағанда алдағы күндері ауа температурасы төмендеп, ылғал мөлшері жоғарылауы мүмкін.  

Арай Төлегенқызы