Ұлттық банк несие беру жүйесіне шектеулер енгізеді

Енді несие алу қиындайды. Ұлттық банк тұрғындарға қарыз беру жүйесін қатаңдатпақ. Себебі халықтың берешегі шектен тыс көбейіп барады. Банктер өзінде көбірек капитал ұстауға міндетті. Демек, алдағы уақытта клиентті мұқият тексеріп, төлем қабілеті жоғары адамдарға ғана несие береді. Сонымен қатар пайыздық мөлшерлемелерге шектеу қойылады. Қаржы ұйымдары қарыздан тым жоғары үстемақы ала алмайды. Бұл тұрғындарды артық шығыннан қорғауға бағытталған. Биылғы шілдедегі дерек бойынша елдегі банктердің активтері 64,8 трлн теңгеге жетіп, депозиттік база 44,1 трлн теңгеге өскен.

Ернұр Медет