Орталық Азияда алғаш рет кітапханашылардың Дүниежүзілік конгресі өтеді

Орталық Азияда алғаш рет кітапханашылардың Дүниежүзілік конгресі өтеді. 18 тамызда Астанада ұйымдастырылатын ауқымды жиынға 130 елден 4 мыңға жуық делегат келеді. Іс-шарада бес күн бойы кітапхана ісіне қатысты тренингтер, ғылыми конференциялар мен семинарлар болады. Мақсат – тәжірибе алмасып, ғылыми еңбектерді цифрлық жүйеге көшірудің тың тәсілдерін игеру. Сондай-ақ өзге мемлекеттердің орталық кітапханаларында қазақ әдебиетін көбейту жөнінде келісімдер жасалуы мүмкін.

Торстен Кукс, кітапханашы /Германия/

Біз Германияда кітаптарды цифрлық форматқа көшіретін арнайы ұйым аштық. Қазақстанда да ғылыми еңбектердің бәрін онлайн форматта оқуға болады екен. Туындының түпнұсқасын жоғалтып алмай, әр парағын әлеуметтік желіге мұқият жүктеп отыру – үлкен еңбек. Алдағы күндері кітапханашыларымыз осы бағытта тәжірибе алмасады.

Жанел Өтеулі