Жаңалықтарды Telegram арнамыздан оқыңыз!Израиль әуе күштері Газа қаласының әш-Шифа госпиталіне соққы беріп, «әл-Жазира» телекомпаниясының 5 журналисін мерт қылды. Құрбандардың ішінде әйгілі репортер Анас әш-Шариф те бар. Олар аурухананың қақпасы маңында орналасқан шатырға ракета түскенде опат болды.
Журналистерді қорғау комитеті бұл оқиғаны «қасақана адам өлтіру және баспасөз бостандығына әдейі шабуыл» деп сипаттады. Израиль армиясы болса, Шарифті нысанаға алғанын растап, марқұмды «Хамастың» террористік ұяшығына жетекшілік етті деп айыптады. Бірақ «әл-Жазираның» басқарушы редакторы Мохамед Моавад тілшіге тағылған кінәні жоққа шығарып, Шарифтің Газадағы жантүршігерлік оқиғаларды әлемге жеткізген жалғыз дауыс болғанын мәлімдеді.
Арыстан Рысбек
