Қостанайда жастар арасында экологиялық жарыс өтті

Қостанайлық жастар «Таза Қазақстан» акциясы аясында алюминий құтыларын жинап, өзара жарысқа түсті. Экологиялық шараға 30-дан астам адам қатысып, жалпы салмағы 200 келіден асатын құты мен жарамсыз батарейкалар жиналды. Жарыста ең үздік деп танылған 8 қатысушыға велосипед табысталды. Ұйымдастырушылардың айтуынша, бұл шара жастар арасында қайта өңдеу мәдениетін қалыптастырып, экологияға бейжай қарамауға үйретеді.

Наурызбек Бірмағамбетов, жоба ұйымдастырушысы:

Басты мақсатымыз – қоршаған ортаны таза ұстауға үндеп қана қоймай, қолданысқа жарамсыз қалдықтарды қайта өңдеуге болатынын көрсету. Бұл тек бір реттік акция ретінде өтпей, болашақта да өз жалғасын табады деп сенеміз. 

Мәдина Нағашыбай