Жаңалықтарды Telegram арнамыздан оқыңыз!Маңғыстауда өткен демалыс күндері 4 адам суға кетіп, ажал құшты.
Қайғылы оқиға Ақтау қаласының аумағындағы демалыс орындарында және Қарақия ауданы Құрық ауылындағы жағалауда болған. 26 шілде күні қаладан 48 шақырым жердегі демалыс базасында екі бірдей жігіт суға кетіп қалды. Құтқарушылар марқұмдардың денесін жағадан 10 метр жерден тапқан. Келесі күні сол аумаққа жақын жерде тағы 22 жастағы тұрғын суға кетіп, қаза тапты. Дәл сол күні Құрық ауылындағы жағажайда да қайғылы жағдай тіркелген. Құтқарушылар 1987 жылғы тұрғынның денесін судан шығарды. Ер адамның алкогольдік мас күйде болғаны анықталды.
Аягөз Оралбайқызы
