Маңғыстауда төбесі құлаған мектепке қатысты қылмыстық іс қозғалды

Маңғыстауда төбесі құлаған мектепке қатысты қылмыстық іс қозғалды. Қылмыстық кодекстің 278-бабы, 2-бөлігі — ғимараттарды, құрылыстарды немесе олардың бөліктерін пайдалануға беру немесе пайдалануға рұқсат беру кезінде қауіпсіздік талаптарын бұзу дерегі бойынша сотқа дейінгі тергеп-тексеру амалдары басталды.

Қазір мектептің аумағына бөгде адамдардың кіруіне уақытша тыйым салынды.

Еске салайық, кеше таңғы сағат 06:30-да Құрық ауылында орналасқан мектеп-гимназияның акт залының төбесі опырылып құлаған болатын. Аумағы 250 шаршы метр шатыр сол күйі ортасына түскен. Абырой болғанда, оқиғадан ешкім зардап шеккен жоқ.

Аягөз Оралбайқызы