Жаңалықтарды Telegram арнамыздан оқыңыз!Қазақстандық оқушылар әлемнің үздік химиктері атанды. Жүзден жүйрік шыққандар Біріккен Араб Әмірліктерінде өткен олимпиадада 4 медаль иеленді, оның екеуі – алтын. Халықаралық химия олимпиадасына әлемнің 93 елінен 360-тан астам оқушы бақ сынады. Еліміздің атынан қатысқан төрт оқушы да жүлдеге ие болып, қазақстандық білімнің әлемдегі биік мәртебесін тағы бір дәлелдеді.
Айта кетейік, бұл зияткерлік дода ең беделді 7 халықаралық олимпиаданың қатарына енеді. Қазақстан Президентінің тапсырмасымен осы білім бәйгесінде жеңімпаз атанғандарға ақшалай сыйақы қарастырылған.
Жазира Оразқызы
