Жаңалықтарды Telegram арнамыздан оқыңыз!Түркияда да апта басынан бері аптап ыстық басылмай тұр. Кеше Ыстанбұлда соңғы бірнеше жылдағы ең ыстық ауа температурасы тіркелді. Күндізгі уақытта кей аудандарда күн +40 градусқа дейін ысыды. Мамандар мегаполисте орташа температура +36 градус болғанын, алайда бетон ғимараттардың кесірінен тұрғындарға ыстық 45 градус сияқты сезілгенін айтады. Халықтың көбі аптапқа шыдамай жағажайлар мен саябақтарға ағылды. Жалпы биыл жазда Түркияның көп аймақтарында күн қатты ысып тұр. Соның кесірінен бірнеше аптадан бері әр өңірде орман өрттері бірінен соң бірі тұтануда. Ел билігі күзге дейін тұрғындардың орманға кіруіне, табиғат аясына демалуға шыққанда от жағуларына тыйым салды.
Айдос Әшімұлы
