Қостанайда 1000-ға жуық бала жаңа оңалту орталығында ем алады

Мемлекет басшысының тапсырмасына сәйкес, Қостанайдағы Президент резиденциясы енді оңалту орталығына айналады. Мұнда психоневрологиялық ауытқуға ұшыраған және тірек-қимыл қозғалысына зақым келген 1000-ға жуық бала ем қабылдайды. Жаңа орталықта сондай-ақ логопед, психолог мамандар жұмыс істейді. Нысан 7 корпустан тұрады. Әр ғимараттағы түрлі сауықтыру кабинеттері озық технологиялармен жабдықталмақ. Бұл мақсатқа «Қазақстан халқына» қорынан 1 млрд 37 млн теңге қаражат бөлінді, ал ғимараттың реконструкциясына 352 млн теңге жұмсалмақ.

Құмар Ақсақалов, Қостанай облысының әкімі:

Осы орталық ашылған соң қосымша тағы 900 бала оңалту жұмыстарымен қамтылатын болады. Сондықтан 1200-ге жуық бала жыл сайын емделетін болады. Ата-аналар ешнәрсеге төлемейді. Бәрі тегін болады. Нысан күзде қолданысқа беріледі.

Мәдина Нағашыбай