Президент Астанадағы үшінші ЖЭО-ның қызметімен танысты

Президент Астанадағы үшінші жылу электр орталығының қызметімен танысты. Бүгінде бұл орталықтың алғашқы кезегін пайдалануға беру арқылы шаһарды жылыту қуаты 30 пайызға ұлғайған. Биыл «Тұран» стансасының екінші кезегін толығымен аяқтау, сондай-ақ «Телман» стансасы мен екінші орталықты кеңейту көзделіп отыр. Бұл жобаларды толықтай жүзеге асыру 2035 жылға дейін жоспарланған. Қазір үшінші орталықтың алғашқы кезегін қосымша отын қорымен қамтамасыз ету жұмыстары жүріп жатыр. Қасым-Жомарт Тоқаевқа орталықтың екінші кезегі аясында бу-газ қондырғысын орнату жоспары көрсетілді. Орталық табиғи газбен жұмыс істегенде сағатына 440 Гкал өндіруге қауқарлы болмақ. Бұл жылу энергиясы шаһардың оңтүстік-батыс бөлігін қамти алады.

Амангелді Сейітхан