Жаңалықтарды Telegram арнамыздан оқыңыз!Еліміздегі кейбір банктер екінші нарықтағы үйлерге ипотека беруді уақытша тоқтатты. Олардың қатарында Halyk Bank және Банк Центр Кредит бар. Аталған қаржы ұйымдары қазір тек жаңа салынған тұрғын үйлерге несие беріп жатыр. Оның өзінде тек жылдық тиімді сыйақы мөлшерлемесі 20%-дан аспайтын құрылыс компанияларымен жұмыс істейді. Банктер бұл шектеудің қашанға дейін жалғасатынын нақты айтпады. Сарапшылар мұны тұрғын үй несиелері бойынша базалық мөлшерлеменің 25-тен 20 пайызға дейін төмендеуімен байланыстырады. Қазір оларда техникалық жұмыстар жүргізіліп, жаңа мөлшерлемелер енгізіліп жатқан көрінеді.
Ернұр Медет
