Жаңалықтарды Telegram арнамыздан оқыңыз!Жамбыл облысында бүлдіршіндер жаппай астан ұшынған жекеменшік балабақша басшысына 1 млн 300 мың теңге айыппұл салынды. Мектепке дейінгі мекемеде санитарлық-эпидемиологиялық талаптардың өрескел бұзылғаны анықталды. Айта кетейік, оқиға биыл наурыз айында Меркі ауданында болды. Астан уланған 14 бала ішек инфекциясымен ауруханаға түсіп, емделіп шықты.
Айман Ахметова, Меркі аудандық сотының судьясы:
Халықтың санитарлық-эпидемиологиялық саламаттылық саласында заңнама талаптары бұзылған. Бұл факт сотта өз дәлілін тапты. Сонымен қатар аталған мекеме өкілі сотта кінәсін толығымен мойындап, бүгінгі таңда барлық кемшілік жойылып, білім беру орталығы өз жұмысын жалғастырып отырғанын атап өтті.
Данияр Әлімқұл
