ШҚО-да жібекқұрт қаптаған аумақтарды улау жұмысы басталды

Шығыстағы Ұлан ауданында жібекқұрт қаптаған аумақтарды улау жұмысы басталды. Бұл туралы облыстық Табиғи ресурстар және табиғатты пайдалануды реттеу басқармасының басшасы хабарлады. Бұған дейін Асубұлақ орман шаруашылығы мен сол төңіректегі 3 ауылда жібекқұрты қаптап кеткенін көрсеткенбіз. Тұрғындар зиянкес жәндік бау-бақшаны жеп, шынар ағаштарының діңін де кеміре бастағанын айтқан. Тіпті үйге кіріп, бірнеше адамды да шағып алған. Материал эфирден өткен бойда жергілікті атқарушы билік салалық басқарма мамандарымен бірге зиянкестерді жоюды бастаған. Бүгінге дейін 16 гектар жер зарарсыздандырылды.

Арман Есентаев, облыстық Табиғи рессурстар және табиғатты пайдалануды реттеу басқармасының басшысы:

Асубұлақ, Огневка, сосын Ақтау деген ауылдың жанынан зерттеу жасап, ошақтарын тауып, тиісті препараттармен залалдандыру жұмыстары басталып кетті.

Олжас Керейхан