Қайтарылған активтер есебінен 61 мектеп пайдалануға берілді

Қайтарылған активтер есебінен 61 мектеп пайдалануға берілді. Сыбайлас жемқорлыққа қарсы күрес агенттігінің ақпарынша, соңғы 3 жылда мемлекетке 1,15 трлн теңгеден астам мүлік пен қаржы қайтарылды. Олардың қатарында бизнес-орталықтар, жер телімдері, люкс көліктер мен тұрғын үйлер бар. Заңсыз қаражаттың бір бөлігі 89 мектеп салуға берілді. Соның 28-нің құрылысы биыл басталады. Осы оқу жылында пайдалануға берілген мектептердің бірі – №97 мектеп гимназиясы. 1600 орынға лайықталған оқу ордасында бүгінде 2400-ден астам бала білім алуда.

Руслана Қапарова, №97 мектеп гимназиясы директорының міндетін атқарушы:

Мектепті салуға 4 млрд-тан аса ақша, қаражат бөлінген. Қазіргі кезде мектебіміз жарық әрі жылы, 1 жылдан астам қолданыста болды. Мектеп 1600 балаға арналған. Қазіргі уақытта мектебімізде 2464 оқушы бар. 2 ауысымда оқиды. Үш ауысымды болып кететіндей қауіп бар. Бірақ біз қазір акимат айтты ғой, балалары тұрақты мекен жайы бойынша оқу керек.

Динара Жарқынбек