Сыртқы сауда алаңдарынан алынатын тауарлар декларацияланады

Бұдан былай қазақстандықтардың шетелден онлайн сатып алған тауарлары декларацияланады. Мәжіліс бүгін Еуразиялық экономикалық одақтың Кеден кодексі туралы шартын ратификациялады. Бұған дейін жеке тұлғалар шетелдік онлайн дүкендерден сатып алған тауарлары туралы есеп бермейтін. Тек нормалары 200 еуродан немесе 31 келіден асқан кезде ғана декларацияланады. Осы санаттағы тауарларға салық салу тәсілі де өзгереді. Кез келген сату көлемі үшін сатып алушы елінің ұлттық заңнамасына сәйкес сатушыдан қосылған құн салығы алынады.

Серік Жұманғарин, ҚР Премьер-Министрінің орынбасары – Ұлттық Экономика министрі:

Мен атап айтып кеттім. 200 еуро. 31 келі. Одан аспаса, декларация тегін жазылады. Ешқандай жеке тұлғалар қаражат төлемейді. 200 еуродан асса, онда қосымша құн салығы төленеді. Соған қосымша 5 пайыз тағы да кедендік баж төленеді. Толығымен 17 пайыз болады.

Оңғар Алпысбайұлы