Парламент жаңа Салық кодексін бекітті

Жаңа Салық кодексі Президентке қол қоюға жіберілді. Бүгін Мәжіліс Сенаттың ұсынған өзгертулерімен келісті. Құжат бойынша экономиканың әртүрлі секторы үшін сараланған салық саясаты жүргізіледі. Есептілік 30 пайызға қысқарып, бақылау жұмыстары толық цифрланады. Қосылған құн салығын қайтару процедурасы жеңілдеп, бюджетке төленетін міндетті төлемдер 20 пайызға азаяды. Жалпы, жаңа Салық кодексі саланы толық реформалап, елдің инвестициялық тартымдылығын арттыру мақсатында әзірленген. Құжат Президент қол қойғаннан кейін 2026 жылдың 1 қаңтарынан бастап күшіне енеді. 

Оңғар Алпысбайұлы