Президент Еуропалық қайта құру және даму банкінің басшысымен кездесті

Еуропалық қайта құру және даму банкі Ақтөбе Ұлғайсын автожолын жаңғыртуға қаржы бөледі. Банктің Президенті Одиль Рено-Бассо Қасым-Жомарт Тоқаевпен кездесуі кезінде осындай шешім қабылдағандарын жеткізді.

Жалпы былтыр банктің Қазақстанға құйған инвестициясы 2023 жылмен салыстырғанда екі есе артып, 1 миллиард еуроға жуықтаған. Қаржы ұйымымен байланыс орнатқаннан бері еліміз шағын және орта бизнес, энергетика, ауыл шаруашылығы сияқты бірқатар стратегиялық секторда айтарлықтай нәтижеге қол жеткізген. Президент Еуропалық қайта құру және даму банкінің бірлескен жобаларға, соның ішінде «Жасыл экономика» бағдарламаларын жүзеге асыруға инвестиция құю ниетін құптады.

Оңғар Алпысбайұлы