Мемлекеттік сыйлықтарды беру жөніндегі комиссияның отырысы өтті

Мемлекеттік кеңесші Ерлан Қариннің төрағалығымен әл-Фараби атындағы ғылым мен техника және Ахмет Байтұрсынұлы атындағы гуманитарлық ғылымдар саласындағы 2025 жылғы мемлекеттік сыйлықтарды беру жөніндегі комиссияның отырысы өтті. Комиссия мүшелері биыл мемлекеттік сыйлыққа ұсынылған жұмыстар және мемлекеттік ғылыми-техникалық сараптаманың қорытындысы туралы ғылым және жоғары білім министрі Саясат Нұрбектің баяндамасын тыңдады. Жиын соңында аталған салалар бойынша алдын ала іріктеуден өткен жұмыстардың тізімі анықталды. Келесі кезеңге өткен жұмыстар бұқаралық ақпарат құралдарында жарияланады.

Ернұр Медет