Алматыда Аналар кеңесіне арналған модульдік оқыту бағдарламасы өтті

Алматыда Аналар кеңесіне арналған модульдік оқыту бағдарламасы өтті. Қазақстан халқы Ассамблеясының бастамасымен ұйымдастырылған жиынға еліміздің әр өңірінен келген Аналар кеңесінің жетекшілері қатысты. Бағдарлама қоғамдық келісім мен ұлттық бірлікті нығайтуда маңызды рөл атқарады. Сондай-ақ бұл шара кеңес мүшелерінің кәсіби және тұлғалық дамуына бағытталды дейді ұйымдастырушылар. Жиында медиация, отбасылық құндылықтарды нығайту, этносаралық қатынастар мәдениеті, көшбасшылық, әлеуметтік жобаларды басқару сынды өзекті тақырыптар қамтылды.

Айжан Қиясова, Аналар кеңесінің мүшесі:

Бізге қоғамның белсенділері, сарапшылар, ғалымдар келіп жаңа тәсілдермен бөлісіп жатыр. Бұл жерде социологиялық жаңа ізденістер, гендерлік бағытталған бюджет жөнінде ақпаратпен бөлісті. Бұл уникалдық курс деп айтуға болады. Өйткені бұл жерде өзіміздің жұмысымызға керекті оқулық, заманауи керекті ақпарат алып жатырмыз.

Айдана Қуантхан