Мәулен Әшімбаев Сенат жанындағы талдау мектебінде дәріс оқыды

Парламент жанындағы талдау мектебі мен Harvard Alumni Kazakhstan компаниясының бірлескен оқыту курсы басталды. Алғашқы дәрісті Сенат Төрағасы оқыды. Мәулен Әшімбаев екі апталық оқу кезеңі Палатаның тұрақты сарапшылар қауымдастығын қалыптастыру бағытындағы нақты жұмыстың жалғасы екенін жеткізді. Курс барысында қатысушылар әлемдегі ең тиімді тәсілдердің бірі саналатын Гарвард келіссөздер мектебінің әдістемесімен стратегиялық жоспарлау, менеджмент және әртүрлі коммуникация үлгілерін құру дағдылары бойынша білімдерін жетілдіреді.

Мәулен Әшімбаев, ҚР Парламенті Сенатының төрағасы:

Әлемдегі жетекші университеттердің бірі – Гарвардтың түлектері өз білімдерімен бөлісіп, ашықтық пен жауапкершілік құндылықтарын дәріптейтін осындай бастамалардың маңызы зор. Бұл құндылықтар Президентіміз жариялаған «Адал Азамат» тұжырымдамасының да негізі екенін атап өткен жөн. Біздің мақсатымыз – білім беру ғана емес, сонымен қатар тәжірибе алмасатын, тың ойлар мен идеяларға жол ашатын және қоғамдағы оң өзгерістерге ықпал ететін интеллектуалды қауымдастық қалыптастыру.

Темірлан Нұрсұлтан