Маңғыстаудың Мұнайлы ауданында 150 орындық аурухана ашылды

Маңғыстау облысының Мұнайлы ауданында 150 орындық аурухана пайдалануға берілді.

Жоба денсаулық сақтау инфрақұрылымын жаңғырту және кеңейту жөніндегі мемлекеттік бағдарлама аясында салынған. Көлемі 30 мың шаршы метр заманауи ғимарат қажетті медициналық жабдықтармен толықтай қамтылған. Ауруханада стационарлық терапия, хирургия, педиатрия, босану бөлімі, анестезиология және реанимация, қалпына келтіру емі мен медициналық оңалту бөлімшелері жұмыс істейді.

Ақмарал Әлназарова, Денсаулық сақтау министрі:

Аудандық аурухананың мәселесі бірнеше жылдан бері көтеріліп жүрген болатын. Президенттің тікелей тапсырмасы аясында тиісті қаражаттары бөлініп, мекеменің барлық халықаралық стандартқа сай үлкен аурухана болып ашылып жатыр. Осы аурухана халық үшін қызмет жасайды деп уәде бергім келіп, әріптестерімді соған шақырамын.

Аягөз Оралбайқызы