Жыл басынан бері 300 млрд теңге жәрдемақы берілген

Жыл басынан 294 мыңға жуық қазақстандыққа 300 млрд теңгенің көлемінде жәрдемақы берілген.

Атап айтсақ, бала туған, асырап алған, сондай-ақ баланы қамқорлыққа алған 117 мың азаматқа 21,1 млрд теңге, 1,5 жасқа толғанға дейін бала күтімі бойынша міндетті әлеуметтік сақтандыру жүйесіне қатысушы емес 123,3 мың адамға 14,4 млрд теңге төленген. Бұдан басқа жүктілікке және босануға, жаңа туған баланы асырап алуға байланысты кірісінен айырылған 81,8 мың адамға мемлекеттік әлеуметтік сақтандыру қорынан 117,3 млрд теңге берілген. Дәл осы қордан бала 1,5 жасқа толғанға дейін оның күтіміне байланысты кірісінен айырылу жағдайы бойынша 88,8 мың адамға 147 млрд теңге тағайындалған.

Нұрсұлтан Тілектес