Жаңалықтарды Telegram арнамыздан оқыңыз!Ал жалпы ішкі өнімнің өсуінде ауыл шаруашылығының үлесі 3,9 пайызға жетті. Оның ішінде жақсы дамып жатқаны мал шаруашалығы. Ет-сүт өнімдерін өндіру, мал басы санының өсуі салаға оң әсер етуде. Жалпы, былтыр еліміз құны 5 млрд доллардан асатын ауылшаруашылық өнімдерін экспорттаған. Оның – 50 пайызы өңделген, әрі отандық өнім. Қазір өңдеу саласына басымдық берілуде. Инвестиция тарту, экспорттық нарықты жандандыру, жеңілдетілген несиелердің артуы ауылшаруашылық саласын дамытуда. Биылдың өзінде жеңілдетілген лизинг бағдарламасы бойынша үш жарым мыңға жуық жаңа техника алу үшін келісімшарт жасалған. Өтінім берген шаруалардың саны 2 мыңға жуықтайды.
Олжас Тілебалдин, ҚР Ауыл шаруашылығы министрлігінің ресми өкілі:
Қазір алғаш рет көктемгі дала жұмыстарын кредиттеу 700 млрд теңгеге жеткізілді. Қазірдің өзінде осы көктемгі дала жұмыстары бойынша 7,1 мың ауылшаруашылығы тауар өндірушілерінен өтінім келіп түссе, оның ішінде 6,2 тауар өндірушілері жалпы 393 млрд теңгеге жуық немесе 6 млн гектардан астам алқапты қамтып отырмыз.
Самал Қабышева
