АҚШ пен Қытай тарифтерді азайтуға келісті

АҚШ пен Қытай баж салығын 90 күнге азайтуға келісті. Екі ел өкілдері Женевада өткен келіссөздерде өзара тарифті 115 пайызға қысқартуға уағдаласқан. Демек, АҚШ қытайлық тауарларға тарифті 30 пайызға дейін, ал Қытай америкалық тауарларға баж салығын 10 пайызға дейін төмендетеді. Келісім мамырдың 14-нен бастап күшіне енеді. Вашингтон мен Бейжің арасындағы мәміле қор нарығына оң әсер етті. Мұнай қымбаттап, доллар бағамы нығая бастады. Бұған дейін екі ел арасындағы сауда соғысы қаржы нарықтарын құлдыратып, жаһандық рецессия қаупі туындаған еді. 

Арай Төлегенқызы