Астанада LRT рельс жолдарының 25% төселді

Астанада LRT рельс жолдарының 25% аяқталды. Бүгінде екі жолақты желінің жоспарланған 22,4 км-нің 5,6 шақырымы төселді. Құрылыс алаңына маневрлік тартқыш, экскаватор, бетон араластырғыш, консольді кран сынды арнайы техникалар тартылған. Жұмыс барысында шу мен діріл деңгейін төмендететін заманауи «DTVII2-1» рельс бекіту жүйесі қолданылады. Бұл жүйенің артықшылықтары шуды 5-10 децибелге дейін азайтады әрі түрлі климаттық жағдайларға бейімделе алады. Былтыр №116 және №117 станциялар арасындағы эстакада бөлігінде алғашқы 500 метр жол төселді. Бұл тестілік кезең қысқы ауа райының жеңіл рельсті көліктің жол құрылымына әсерін білуге мүмкіндік берді. 

Ернұр Медет