Түркияда заңсыз шеруге шақырған 22 адам қамауға алынады

Түркияның Бас прокуратурасы бірінші мамыр мерекесі күні халықты билікке қарсы шеруге шақырған 22 адамды қамауға алу туралы шешім шығарды. Олар әлеуметтік желі арқылы халықты Стамбұлдағы Таксим алаңында заңсыз шеру өткізуге шақырып, бейнеүндеу жариялаған. Қамауға алу туралы шешім шыққан 22 адамның 14-і ұсталып, 8-іне іздеу жарияланды. Олардың қатарында осы бейнеүндеуді жасаған және әлеуметтік желілерде бөліскен адамдар да бар. Күдіктілердің үйлерінде тінту жүргізіліп, аудио және бейнематериалдар тәркіленді.

Айдос Әшімұлы