Жаңалықтарды Telegram арнамыздан оқыңыз!Солтүстік Америкада Наурыз мерекесі әлі тойланып жатыр. Канаданың ең ірі қаласы Торонтодағы қазақ қауымдастығы әз наурызды ғасырлар бойы қалыптасқан дәстүрге сай, ерекше сән-салтанатпен атап өтті. Бұл мереке жырақта жүрген қандастардың елге деген сағынышын басып, ұлттық дәстүрді жаңғыртатын татулықтың символына айналды. Сондықтан Канадада наурыз жиырма үш жылдан бері үзілмей тойланып келеді.
АҚШ-тағы ең ірі штат Калифорнияда да Наурыз мейрамын ерекше тойлады. Кремний алқабындағы қазақ қауымдастығы Сан-Францискодағы Бас консулдықтың қолдауымен Наурыз мейрамын кең көлемде атап өтті. АҚШ-тың Батыс жағалауында алғаш рет ұйымдастырылған бұл шараға жүздеген адам жиналды.
Жалғас Сәдібекұлы
