Өскемендегі техникалық университетке ЖИ енгізіле бастады

Өскемендегі Дәулет Серікбаев атындағы техникалық университет жасанды интеллект саласындағы мамандарды даярлау бойынша алғашқылардың қатарында «AI-Sanа» бағдарламасын оқу үрдісіне енгізді. Бұл жоба зерттеу және қолданбалы тәсілдерді интеграциялайды. Яғни білім беру саласында жасанды интеллект жүйесін үздіксіз қалыптастыруға бағытталған. Мамандардың айтуынша, «AI-Sana» бұл тек білім беру бастамасы ғана емес, цифрлық экономика үшін кадрлар даярлауға бағытталған жүйелі әдіс.

Сәуле Рахметуллина, Д.Серікбаев атындағы ШҚТУ ректоры:

Бұл бағдарлама 4 кезеңнен тұрады. Бірінші кезең - Қазақстан бойынша 650 мың студентті осы жасанды интеллект курсымен таныстыру, одан басқа біздің университетте жасанды интеллект транспорт және транспорттық техникада қолдану бағдарламасы былтыр ашылып, қазір студенттер бағдарлама бойынша білім алуда.

Олжас Керейхан