Түркияның Самсун аймағында бір отбасы тас көшкіні астында қалды

Түркияның Самсун аймағында бір отбасы топырақ көшкіні астында қалды. Бір жанармай құю станциясы жанындағы көлік жуатын жерге барған отбасының көлігін таудан домалаған тас пен топырақ басып қалған. Көлік жуып тұрған 36 жастағы отағасы мен автомобиль ішінде отырған 5 және 7 жастағы екі баласы оқиға орнында көз жұмды.

Ал көліктен сәл алыстау тұрған әйелі топырақ астында қалғанымен, жаралы күйінде құтқарылды. Осы оқиғаға байланысты қауіпсіздік талаптарын сақтамаған жанармай құю станциясының басшысы қамауға алынды.  

Айдос Әшім