Елімізде заңсыз алтын өндірумен айналысқан 5 кәсіпорын анықталды

Елімізде заңсыз алтын өндірумен айналысқан 5 кәсіпорын анықталды. Абай, Жетісу, Шығыс Қазақстан және Түркістан облыстарында 5 компанияның тек геологиялық барлау жүргізуге рұқсаты болғанымен, олар бағалы металлды өндірумен және өңдеумен айналысқан. Ішкі істер министрлігінің мәліметінше, тінту кезінде 6 700 тоннадан астам алтын құрамды руда, 300 тонна сұйық руда, 120 тонна селитра, сондай-ақ жарылғыш заттар мен детонаторлар тәркіленген. Қазір полиция 60-тан астам қызметкер мен ұйым басшыларын ұстады. Аталған фактілер бойынша 5 қылмыстық іс қозғалды.

Ернұр Медет