Трамп Украина бойынша бейбіт келіссөздерден бас тартуы мүмкін екенін ескертті

АҚШ Украинадағы соғысты тоқтатуға бағытталған әрекетінен бас тартуы мүмкін.

Президент Дональд Трамп осыны ескертті. Ақ үй басшысының сөзінше, Ресей мен Украина қақтығысты шешуді тым күрделендіріп жіберсе, АҚШ бейбіт келіссөздерге қатыспайды.

Алайда Трамп журналистерге сөйлеген сөзінде соғысты тоқтатуға жақсы мүмкіндік бар екеніне сенім білдірді. Бұған қоса, бейбіт келіссөздерден шығуға ниеті жоқ екенін айтты. Трамп бұған дейін Украинадағы соғысты 24 сағатта аяқтайтынын бірнеше қайтара мәлімдеген еді.

Арай Төлеген