Ресейде тырысқақ ауруына қарсы вакцина шығарылды

Ресейде тырысқақ ауруына қарсы вакцина шығарылды. Өйткені елде індетті жұқтырғандардың саны артқан. Мамандар қауіпсіздік талаптарын сақтап, ауруды алдын алу керек дейді. Инфекция су, тамақ арқылы жұғатынын айтады. Адам ағзасында иммунитет қалыптастыра алатын вакцина дәрі түрінде шығарылған, оны қабылдаған соң науқас алты айдан кейін ревакцинациядан өтуі тиіс. Сондай-ақ тырысқақ ауруы өршіген аймақтарға баратын азаматтар алдын ала екпе қабылдауы керек. Бір науқас 14 адамға дейін инфекция жұқтыруы мүмкін. Күн жылыған сайын ауру жұқтырғандар көбейе түседі дейді мамандар.

Елена Малинникова, дәрігер:

Ростов, Астрахан облыстарында тырысқақ ауруының вирустары өршіп барады. Айта кетерлігі, вирус үнемі өзгеріске ұшырап отырады. Сондықтан сақ болуымыз керек. Азық-түлікті термиялық өңдеуден өткізу маңызды.

Индира Бегайдар