ДДСҰ өкілі: Қазақстан медицинасына әлем назар аудара бастады

Отандық медицинада аурудың алдын алуға басымдық берілмек. Астанада Денсаулық сақтау министрлігі мен Дүниежүзілік денсаулық сақтау ұйымы алғашқы медициналық көмекті дамытуға арналған ұлттық семинар өткізді. Мамандар жаңа тәсілдерді таныстырып, әр өңірдегі озық тәжірибелермен бөлісті. Ұйымның Қазақстандағы өкілі Скендер Сыланың сөзінше, әлем елдері саладағы қаржылық шығындарды азайту мәселесіне мән берсе, Қазақстан медициналық көмектің сапасы мен қолжетімділігіне назар аударып, оң нәтиже көрсетіп отыр.

Скендер Сыла, ДДСҰ Қазақстандағы өкілі:

Соңғы жылдары үлкен ілгерілеу бар: Меркідегі әлеуметтік-психикалық денсаулық орталығының ашылуы, Таразда ата-аналар мектептері, мейірбикелердің тәуелсіз тәжірибе кабинеттерінің енгізілуі, әлеуметтік қызметкерлерді емханаларға тарту – мұның бәрі өте маңызды.

Динара Жарқынбек