Жаңалықтарды Telegram арнамыздан оқыңыз!Түркияның бірқатар қалаларында көктемнің ортасында қалың қар жауды. Қара теңіз жағалауындағы аймақтар мен елдің орталық бөлігінде күн күрт суытып, қар түсті. Ел астанасы Анкара қаласында қалың қардың себебінен мектептер мен университеттерде бір күнге сабақ тоқтатылды. Қала көшелері мен қалааралық тас жолдарда қар мен көктайғақтың кесірінен жол апаттары жиіледі. Бірнеше күн бұрын ғана ыстық болып тұрған күн райы бұзылып, кей жерлерде минус 5 градусқа дейін төмендеді. Синоптиктер мұндай ауа райы әлі бірнеше күн сақталады деп отыр.
Айдос Әшімұлы
