Алматы облысында пошталық сәлемдемелерді сұрыптау хабы салынады

Биыл Алматы облысында пошталық сәлемдемелерді сұрыптау хабының құрылысы басталады. Нысан халықаралық жеткізу мерзімін едәуір қысқартады. Президенттің қабылдауында болған YTO Express-тің басқарма төрағасы Юй Хуэйцзяо осылай деді. Қазір елімізде Қазпошта мен YTO Express-тің «Qazpost – YTO» деп аталатын бірлескен серіктестігі жұмыс істеп тұр. Мақсат – Қазақстан мен Орталық Азия елдері аумағында заманауи әрі тиімді курьерлік желіні дамыту. Қасым-Жомарт Тоқаев осындай бірлескен жобалардың стратегиялық маңызын атап өтіп, олар мемлекеттер мен халықаралық бизнес арасындағы тиімді ықпалдастықтың үлгісі болуға тиіс екеніне назар аударды. 

Оңғар Алпысбайұлы