АҚШ-та жеткіншектер «Гүлдер» би тобын құрды

АҚШ-та «Гүлдер» би тобының ізбасарлары пайда болды. Алты мен он екі жас аралығындағы қазақ қыздарынан құралған топ алғаш рет Вашингтондағы түркі мемлекеттерінің көктем мерекесінде өнер көрсетті. Жеткіншектер «Еркеқыз» биін билеп көптің қошеметіне бөленді. Жалпы, Гүлдер би тобы АҚШта бірнеше жылдан өнер көрсетіп келеді. Көркемдік жетекшісі Зарина Әлім биыл, балалар арасынан екі топ жақтап, бірнеше ай бойы дайындаған. Кішкентайлар тобы Вашингтон аймағындағы қазақтардың наурыз мерекесіне байланысты дәстүрлі бас қосуында да би билеп жұрттың ықыласына бөленді. Ұйымдастырушылар енді балғындарды осы елде өтетін Азия, Түркі елдері фестивальдері секілді түрлі ірі мәдени шараларға қатыстыруды жоспарлап отыр.