Жаңалықтарды Telegram арнамыздан оқыңыз!«2022 жылы жаңадан үш облыс құрылып, аймақтардың дамуына күшті серпін берілді. Үкімет енді жаңа облыстардың ахуалын бақылауда ұстауы тиіс» деді Мемлекет басшысы құрылтайда. Осы жолы да Президент өңірлердің, әсіресе шекарадағы елдімекендердің әлеуметтік-экономикалық дамуына ықпал ететін маңызды жобаларды іске асыруды тапсырды. Бұл бастамалар халықтың қолдауына ие болды.
Амантай Үмбетай, кәсіпкер:
Басталып жатқан жобалардың бірі – Ырғыз-Торғай-Каспий жағалауына портқа шығатын жол елімізге үлкен экономикалық серпіліс берейін деп тұр. Өйткені 560 км жол қысқарады және ол дәліз үлкен күретамыр болып жұмыс жасайды. Көп кәсіпкерлер ол жерден шаруаларын жасайды. Ол тек мемлекеттің, отандық кәсіпкерлердің мүддесіне жұмыс істегені былай тұрсын, ол әлемдік экономикаға да жақсы серпіліс берейін деп тұр.
Жабал Ерғалиев, мемлекет және қоғам қайраткері:
Арқалық, Торғай, Ырғыз арқылы салынатын автожол үлкен жаңағы экономикалық табыс әкелетіндігін, халыққа жұмыс болатындығын, бұл өңірдегі халықтың тұрмысы жақсарып, халыққа жұмыс болатын, халықтың шоғырлануына үлкен септігін тигізетіндігін айтуға тиістіміз.
Самрат Құскенов, Петропавл қаласының тұрғыны:
Желдің өтінде, елдің шетінде орналасқан Солтүстік Қазақстан облысы үшін елдімекендердің азайып бара жатқаны өзекті мәселе. 2000-2019 жылдар аралығында 139 ауыл жойылып кетті. Дер кезінде қимылдап, ауылға көңіл бөлетін болсақ, мемлекетіміздің шекарасы нығая түсетін еді.
Нұргүл Ахметова
