Жаңалықтарды Telegram арнамыздан оқыңыз!Қазақстан мұнай өңдеу саласын дамытудың 2040 жылға дейінгі тұжырымдамасын әзірлеп жатыр. Бұл туралы Президент қабылдауында болған Энергетика министрі айтты. Ерлан Ақкенженовтың сөзінше, биыл елімізде мұнай өңдеу көлемін 17,6 миллион тоннаға жеткізу жоспарланған. 2035 жылға дейін қуаты 26 гигаваттан асатын жаңа генерациялау кешендері іске қосылмақ. Қашаған, Қарашығанақ кен орындарында және Жаңаөзен қаласында жаңа газ өңдеу зауыттарын салу жоспарда бар. «Бейнеу – Бозой – Шымкент» магистральді газ құбырының екінші желісі және «Талдықорған – Үшарал» газ құбырының құрылысы жалғасып жатыр. Мемлекет басшысы инвестициялық климатты жақсарту үшін кешенді шаралар қабылдау, геологиялық барлауға стратегиялық инвесторларды тарту міндеттерін жүктеді.
Шерхан Жамбылұлы
