Қазақ – өзбек шекарасында күдікті 1 млн 300 мың доллармен ұсталды

Қазақ – өзбек шекарасында 1 млн 300 мың долларға жуық қаржыны заңсыз алып өтпек болған адам ұсталды. Оқиға Сарыағаш ауданымен шектесетін Науайы бекетінде болған. Қазақстанға қарай беттеген жеңіл көліктің жүксалғышын тексергенде 874 мың АҚШ доллары шыққан. Мұнан соң құқық қорғаушылар жедел түрде оның үйіне тінту жүргізеді. Осы кезде тағы да 399 мың доллар табылды. 47 жастағы тұрғынның сөзінше, бұл қаржыны да болашақта Қазақстанға алып өтуге дайындап қойған. Алдын ала болжамға сай ірі көлемдегі ақша Ташкенттің базарларында сауда жасайтын азаматтарға тиесілі болуы мүмкін. Жедел іздестіру барысында күдіктінің тағы бір сыбайласы анықталды.

Базаркүл Отыншиева