Жаңалықтарды Telegram арнамыздан оқыңыз!Қамауға алынған Ыстанбұл қаласы мэрінің орнына уақытша міндетін атқарушы сайланды. Ыстанбұл қалалық мәслихатының депутаттары өткізген сайлау нәтижесінде оппозициялық партия өкілі Нури Аслан қала басшысының міндетін атқарушы болып сайланды. Сайлауға түскен екі кандидаттың бірі билік партиясының, ал екіншісі оппозициялық партия өкілі еді.
Үш турға созылған саяси шарада 3 партиядан 310 депутат дауыс берді. Жасырын дауыс беру нәтижесінде 177 дауыс жинаған Халықтық республикалық партияның өкілі Нури Аслан жеңіске жетті. Ал бұрынғы қала әкімі Екрем Имамоғлы жемқорлық ісі бойынша қамауға алынуына байланысты қызметінен шеттетілген еді.
Айдос Әшімұлы
