Қостанай облысында бірнеше елді-мекенге су кіре бастады

Қостанай облысындағы Амангелді ауданында бірнеше елді-мекенге су кірді.

Күрт еріген қар сай-саламен ағып кетіп үлгермей жатыр. Кілкіген су көше бойына жайылып, тіпті үйлердің іргесіне тіреліп тұр. Ауданға қарасты Қабырға мен Үрпек ауылдарының арасындағы жол бойына да мол су жиналған. Қауіптің алдын алу үшін көтерме жол жырылды. Дәл қазір аудан бойынша тасқынға қарсы күреске 44 техника мен 250 адам жұмылдырылған. Жауапты мамандар жағдай бақылауда, тұрғын үйлерге қауіп жоқ деп сендіріп отыр.

Мадина Нағашыбай