Қостанай облысында 174 жүк көлігі жолда тұрып қалды

Қостанай облысында боран мен көктайғаққа байланысты төрт облыстық, екі республикалық маңызы бар жолда қозғалыс шектелді. Соның салдарынан 174 ауыр жүк көлігі жолда тұрып қалды. Ұзын-сонар көлік тізбегі Әулиекөл ауданы мен Октябрь кентінің арасында жол жиегінде тізіліп тұр. Олардың ішінде Қырғызстан-Ресей бағытындағы автобус та бар. Жолда қалғандардың арасында 4 бала бар. Полиция қызметкерлері жолаушылардың барлығын жылы жерге – жергілікті мектептің спорт залына орналастырды. Ал өңір құтқарушылары түнде 27 жолаушыны қар құрсауынан алып шықты.

Мәдина Нағашыбай