Ірі қазақстандық құрылыс компаниялары 17 млрд теңге қосымша салық төледі

Ірі қазақстандық құрылыс компаниялары 17 млрд теңге қосымша салық төледі. Премьер-министр Олжас Бектенов өткен айда бірқатар ірі компанияның иелері мен басшыларына салық органдарына қосымша декларация тапсырып, әділ салық төлеуге шақырған еді. Арада екі апта өтпей-ақ, Қаржы министрлігі 17 млрд теңге салық түскенін хабарлады. Бұл төлемдер қатарында BI Group және BAZIS компаниялары бар.

Айта кетейік, Кірістер комитеті салық төлеушілерді әкімшілендіруді жалғастырып жатыр. 633 салық төлеушіге, оның ішінде 172 құрылыс саласындағы кәсіпкерлерге, 102 сауда және басқа да қызмет түрлерімен айналысатын компанияларға салық салынатын кірістерін төмендету белгілері бойынша хабарламалар жіберілді.

Динара Жаркынбек