Ұлттық банк базалық мөлшерлемені 16,5 пайызға дейін көтерді

Ұлттық банк базалық мөлшерлемені 16,5 пайызға дейін көтерді. Бұған дейін 15,25 пайыз еді. Өйткені инфляцияның барлық көрсеткішінде өсу байқалады. Жылдық инфляция ақпанда 9,4%-ға дейін жеткен. Бүгінгі шешім жағдайды одан әрі ушықтырмау үшін қажет болған.

Бас банктің болжамынша алдағы жылдары инфляция жаңа факторлар негізінде өзгереді. Биыл 10-12%, келесі жылы 9-11% шегінде күтіледі. 2027 жылдың қорытындысы бойынша 5,5-7,5% деңгейіне дейін төмендемек. Бұл уақыт аралығында мұнайдың құны барреліне 70 доллар шамасында сақталады деп болжанып отыр.

Оңғар Алпысбайұлы