Қазақстан мен Жапония болашақта бірлескен кәсіпорындар ашуға ниетті

Қазақстан мен Жапония болашақта бірлескен кәсіпорындар ашуға ниетті. Бұл туралы Астанада өткен «Орталық Азия+Жапония» сараптамалық диалогында айтылды. Бұл - Орталық Азия елдерінің жетекші талдау орталықтар мен Жапония арасындағы алғашқы сарапшылар диалогы. Жиында екі ел арасындағы ынтымақты дамыту жайы сөз болды. Яғни, экономика, білім беру, өнеркәсіп саласы қолға алынбақ. Ұйымдастырушылардың айтуынша, мұнда тек аймақтық қана емес, жаһандық мәселелер сарапқа салынбақ.

Бауыржан Әукен, ҚР Президенті жанындағы ҚСЗИ Азиялық зерттеулер бөлімінің аға сарапшысы:

Іс-шараның нәтижесі ретінде сарапшылық орталықтар өз басшыларына ұсыныстар жібереді. Сәйкесінше, белгілі бір қортынды жасалынады. Жаңа даму бағыттары айқындалады. Сондықтан қазір өтіп жатқан іс-шараның екіжақты байланыстардың дамуына әкелетін практикалық маңызы бар деп айтсақ болады.

Асылбек Данияр