Жаңалықтарды Telegram арнамыздан оқыңыз!Астанада жүк көлігі мектеп оқушысын қағып кетті. Оқушы алған жарақатынан оқиға орнында көз жұмды.
Қалалық полиция департаментінің мәліметінше, 7 жастағы қыз бала Бақтыораз Бейсекбаев пен Кенесары көшелерінің қиылысындағы бағдаршамның жасыл шамы жанып тұрғанда жолдан өтіп бара жатқан. Сол сәтте қиылыстан бұрылған жүк көлігі оны қағып кеткен. Аталған факті бойынша қылмыстық іс қозғалып, тергеу жүріп жатыр. Жүргізушіге қатысты бұлтартпау шарасы таңдалды.
