Жаңалықтарды Telegram арнамыздан оқыңыз!Блогерлердің желідегі контентінің қаралымы үшін төленетін монетизацияға да салық салынады. Белсенділер енді Instagram, TikTok, YouTube сынды платформалардан түскен қаржының белгілі бір пайызын мемлекетке төлеуі тиіс. YouTube-тегі монетизациядан табыс табатын блогерлер «қаралымнан түсетін қаржы соншалықты көп емес» дейді. Сондықтан оны тұрақты табыс көзі ретінде де қарастыру қисынсыз деген пікірде.
Павел Шамин, блогер:
Әрине бұл дұрыс емес. Сен білмейсің ол видеоң өте ме, өтпей ме?! Сенде 100% нәтиже жоқ, мен осы видеоны саламын, осы видеодан осындай ақша түседі деген. Бізде Қазақстанда ең аз төленеді осы қаралым үшін. Екіншіден, бізде ондай ірі арналар жоқ, жарнамамен млн-дап ақша табатын.
Ал сарапшылар бұл көлеңкелі экономиканы заңдастыру үшін жасалған қадам екенін алға тартады. Таңның атысы, кештің батысы тер төгіп жұмыс істейтін қара жұмысшыдан да салық ұсталады. Оның қасында әлеуметтік желі арқылы пайда тапқан адам табысының белгілі бір мөлшерін ел қазынасына қосқаны әділеттілік тұрғысынан орынды, дейді саясаттанушы Нұргелді Әбдіғани.
Нұргелді Әбдіғани, саясаттанушы:
Бұл бойынша заң бар, жеке кәсіпкерлікпен айналысу. Ол жерде 3 пайызға дейінгі жеңілдетілген тәртіппен салық төлеу нормасы қарастырылған. Заң бойынша деп салық төлеушілерді тұқыртып жатқан жоқ. Керісінше әртүрлі жеңілдік қарастырылған. Тек өзіне тиімідісін пайдаланып, жеңілдетілген тәртіппен салық төлеу бұл – әр азаматтың парызы. Блогер бола ма, ол кәсіпкер бола ма заң алдында бәріміз теңбіз.
Ернұр Медет
