Ерекше мәртебе берілген Түркістан түрлене түседі

Түркістанның ерекше мәртебеге ие болуы қаланың көркейе түсуіне септігін тигізеді. Қала әкімдігінің мәліметінше, Қожа Ахмет Ясауи кесенесі мен басқа да ескерткіштерді қорғау, археологиялық және ғылыми-реставрациялық жұмыстарды реттеу мәселелері жергілікті жерден шешіледі. Сондай-ақ мүгедектігі бар адамдарға қолжетімді инфрақұрылым және инклюзивті туризм құру жүзеге асады. Саяхаттаушыларды тасымалдайтын арнайы көліктер шығынының 25 пайызы мемлекет тарапынан субсидияланып, қонақтарға қызмет көрсететін нысандар құрылысының 10 пайыз шығыны да жергілікті бюджеттен өтеледі.

Әзімбек Фазылбек, қала әкімі:

Осы заң аясында қала құрылысы регламенті қайта бекітіледі. Қаламыздың дизайн коды бекітіледі. Бұдан бөлек қала құрылысы кеңесі қала әкімдігінің жанынан құрылып, қалада салынатын әрбір нысанның сыртқы фасады бойынша келісім жүргізіледі және туризм бағытын дамыту бойынша түрлі құзыреттік берілуде.

Айнұр Әбілқасымқызы